Ein Silvester mit vielen Überraschungen
Heyy ihr, ich hoff ihr sind all guet is neue Jahr grutscht und sind no so richtig die letschte Täg vo dä Ferie am gnüsse…(für die wo ferie händ..:P)
Ich han au ganz es “ufregends” neujahrsfäscht gha, muss ich ehrlich zuegeh! Planet isch eigentlich nöd vill gsi, i minere Region gits kai riiisigi neujahrspartys (zumindescht kai für under 21 jährigi) es isch meh en famillie alas. Drum han ich au nöd voor gha öpis grosses z mache. Ich han abr dänn doch no beschlosse usem huus z gah und mit dä kollegin paar film inezieh. Zerscht abr mal is auto mit ihre und zum Starbucks..:D scho fascht e tradition bi eus:D
Mir also dur de drive through und ab, hei is warme… abr soo wiit ischs dän garnüm cho, wo mir binere chrüzig händ welle abbüge (nachdäm mir ghaltet händ und ufs grüne liecht gwartet händ) isch es auto etgäge cho vo dä andere siite, sie hät eus irgendwie nöd gsee, odr weiss au nöd was, uf jedäfall isch sie vollgass i eusi siite inegfahre… Ich glaub ich han i mim läbe no nie so vill angscht gha, wie wo ich das auto mit vollgass uf eus zuecho gsee han!!
Mini kollegin isch abr voll da gsi und hät probiert so schnäll wie möglich ganz abzbüge, so dass zumindescht nöd grad mini türe verwütsche wird… Natürlich ischs z schpaat gsi, zum ganz wäg cho drum hät sie au no t hindertüre uf dä bifahrersiite verwütscht! Für en churze momänt isch mir s härz eifach schtahblibe…
Ich sowie au t Amanda sind unverletzt blibe und mitemne riise schock wägcho. Vo ihrem Auto cham mer dass abr nöd säge, wells andere auto en riise SUV gsi isch und euse nur es normals chlises auto, ischs schön drunder cho, während dä SUV nur paar chrazer gha hät…
S meitli wo eus entgägecho isch, hät das abr wenig intressiert, sie hät daruf behart, dass sie grün gha hät und das es eusi schuld gsi seg, das sie ohni nur es bitzli brämse i eus inegfahre isch..
Dä fall isch jetzt uf jedäfall sach vo dä polizei, wo au nöd lang uf sich warte lah hät. Nachdäm sie vo allne (au vo mir, da ich en augezüüge bin) t informatione ufgnoh händ und all befragt händ isch dänn t Amanda no drunder cho, well sie no kai Führerschii hät, sie hät erscht t erlaubnis mit eltere odr andere erwachsene z fahre….:( Und mit dere notiz chunt sie sicher au no länger keine über und muss däzu au no meh it fahrschuel… das alles, wägemne unfall wo mir nidmal verantwortlich sind!
Uf jedäfall isch min schock tüüf gsässe drum han ich dänn au nütmeh grosses gmacht, ich han mit dä Amanda film glueget und bin nachher hei zum chli anelige und dänn no chli meh film luege und mit de familie ufs neue jahr aschtosse (natürlich ohni alk:D). Ich chan immrnonig schlaffe, well obwohl ich no nie so wenig gmacht han a neujahr ischs trotzdem eis vo dä ufregenschte gsi…:D
Und wie sind eui Neujahr so gsi? Was händ ihr so gmacht?
Ich mäld mich äs anderes wieder, han eu gärn und bis bald!:D
3 years ago