Onreprenuur..?!?
Okey,
da mal ä richtig tyyypischi Agwohnehit vo dä Amerikaner, wo mer immerwieder riichtig is Aug gschprunge isch…
Egal was für e Herkunft äs Wort hät, Amerikaner schpräched grundsätzlich alles immer änglisch us…
Nöd das mich das groooossartig schtöre würd… abr du chasch der äs chlises Lächle nöd verkneife, wänn dä economics Lehrer zum 7te Mal über s wort entrepreneur (hetteders im Titel erchänt??:D;P) schtolpered und immerno ontreprenuuur seit.
Bi mir ischs bimne Lächle blibe, min Fründin us Dütschland hät sichs nöd chöne verhebe und häät luuthals useglacht (jep, nöd sehr empfehlendswärt:D). Doch da mir ja Ustuschschüler sind und drum chli meh toleriert wird, isch die einzig Schtraf gsi, dass sie dä ganze Klass hät müsse bibringe, wie mers würklich usschpricht, was meh Schtraf gsi isch, wie mer sich das villicht jetzt dänkt.
Ich han scho lang ufgeh t lüüt z korrigiere wo frisch fröhlich jedes einzelne främdwort versauet wo iihne über dä wäg lauft. Paar Biischpiel wäred da: laiisiiisfäar (laisse-faire), pr pätschra (pro patria), detschrm (decorum), gutschnbörsch (Gutenberg) und und und.. (mer chönt die Lischte unändlich wiiter führe:D)
Uf was ich usse wott isch, dass wäred i dä Schwiiz en fähler wie “Selfmademan”,(usgschproche, wie ichs gschribe han,tuet mer leid Yvonne, muss ich eifach bringe:D),scho fascht e Totsünd isch, und ganz sicher jahrelang en guete Witz blibt, gaz dä meischte Amerikaner eifach gseit am Arsch verbi, ob es Wort änglisch, odr suscht irgend ä Sprach isch…:D Gseit wirds so wies gschribe isch:D
3 years ago